Yeh pyaar jo hai..!

Roo bhi naa  sakun, ankhon se teri tasvir beh naa jaaye kahin
aage badh naa sakun..beete kal ki yaadien reh naa jaaye kahin
kosish bahut ki .. paar ankhon ka sabar nam pad jata hai
jitna bhi kar lo... jaise bhi nibhaalo magar ..
yeh pyaar jo hai... hamesha kam pad jata hai.

Neend jo tute.. tere khawaabo se door naa hojaaun kahin
labz bhi surkh hoothon pe reh gaye.. itni majboor na hojaaun kahin
muskhuraahto ke ghar mai..ek kamra ghum ka pad jata hai 
jataalo jitna... manaa lo jitna bhi .. par
yeh pyaar jo hai .. hamesha kam pad jata hai.

Baatien kaise bhoolun, khamosh na hojaye mehfil kahin
mann se kaise nikaalun tumhe.. khaali naa hojaaye yeh dil kahin
behlaalo jitna bhi ,dard yeh hamesha besharm pad pata hai
bataado chahe...chupaalo chahe.. par 
yeh pyaar jo hai .. hamesha kam pad jata hai.











No comments:

Post a Comment